Marekani imeanzisha mashambulizi makali ya anga dhidi ya waasi wa Houthi nchini Yemen, ikieleza kuwa ni kujibu mashambulizi ya kundi hilo dhidi ya meli katika Bahari ya Shamu.
Rais wa Marekani, Donald Trump, alisema kwenye jukwaa lake la kijamii, Truth Social: “Wakifadhiliwa na Iran, majambazi wa Houthi wamerusha makombora kwa ndege za Marekani, na kulenga Wanajeshi wetu na Washirika,” akiongeza kuwa “uharamia, vurugu na ugaidi” wa kundi hilo umegharimu “mabilioni ya dola” na kuhatarisha maisha ya watu.
Wizara ya Afya inayoongozwa na Houthi imeripoti kuwa watu 15 wamefariki na wengine tisa wamejeruhiwa kutokana na mashambulizi hayo. Kundi hilo limeeleza kulaani hatua hiyo ya Marekani na kuapa kuchukua hatua za kujibu.
Kundi hilo, ambalo lilianza kulenga meli kujibu vita vya Israel na Hamas huko Gaza, lilisema vikosi vyake vitajibu mashambulizi ya Marekani.