Ushirikiano baina ya Serikali ya Jamhuri ya Muungano wa Tanzania na India umezidi kuimarika katika nyanja mbalimbali ikiwemo katika sekta ya afya, maji, elimu,ulinzi, miundombinu, biashara na diplomasia ya kimataifa.
Hayo yamesemwa leo Agosti 17,2025 jijini Dar es Salaam na Waziri wa Maliasili na Utalii, Mhe. Balozi Dkt. Pindi Chana katika hafla ya Maadhimisho ya miaka 79 ya Uhuru wa India.
“Inanipa furaha ya ziada kuona ushirikiano unavyoongezeka kati ya Tanzania na India katika nyanja mbalimbali, kama kushiriki katika zoezi la pamoja la Africa India Key Maritime Engagement (AIKEYME) tarehe 13-18 Aprili 2025 likishirikisha Jeshi la Wananchi wa Tanzania (JWTZ), Kamandi ya Jeshi la Wanamaji kutoka Jamhuri ya India pamoja nchi tisa marafiki ikiwa na lengo la kupambana na matishio ya uharamia ikiwemo usafirishaji haramu wa binadamu, silaha na dawa za kulevya.
Amesema pia India imetoa zaidi ya dola za Kimarekani bilioni 1.1 katika Line of Credit (LOC) kwa Tanzania kwa ajili ya miradi mbalimbali ya maji.
“LOC ya Dola za Kimarekani milioni 178.125 zimeongezwa kwa ajili ya kuendeleza miradi ya usambazaji maji katika mkoa wa Dar es Salaam na Pwani ya Chalinze. LOC ya Dola za Kimarekani milioni 268.35 zilitolewa kwa ajili ya upanuzi wa bomba la maji kutoka Ziwa Victoria hadi miji ya Tabora, Igunga na Nzega Magharibi mwa Tanzania. Mkataba wa Mkopo wa Dola za Kimarekani milioni 500 kwa ajili ya miradi ya miundombinu ya maji katika miji kadhaa nchini Tanzania ulitiwa saini tarehe 10 Mei 2018.” Amesema Mhe. Chana.
Aidha, Waziri Chana amesema India imetoa ruzuku/msaada wa magari 10 ya kubebea wagonjwa yaliyokabidhiwa kwa Wizara ya Afya ya Tanzania tarehe 4 Oktoba 2023.
Amesema pia mfumo wa kuhifadhi nakala za umeme kwa Kituo cha ICT kilichotolewa kwa Taasisi ya Sayansi na Teknolojia ya Nelson Mandela ya Afrika tarehe 19 Agosti 2023 ambapo India ilianzisha mashine ya tiba ya mionzi ‘Bhabhatron-II’ kwa ajili ya wagonjwa wa saratani katika Kituo cha Tiba cha Bugando, Mwanza 1 Julai 10 wagonjwa wa saratani 2 wanapokea ruzuku ya Serikali ya India. tiba ya mionzi kila siku.4.
Ameweka bayana kuwa mahusiano nchi hizo zimekuwa na mahusiano mazuri ya kibiashara na kiuchumi ambapo India ni mshirika wa pili mkubwa wa kibiashara wa Tanzania na biashara ya nchi mbili ya dola bilioni 8.6 mnamo 2024-25 (kulingana na data ya DGCI&S). India pia ni miongoni mwa vyanzo vitano vya juu vya uwekezaji nchini Tanzania na kwa mujibu wa Kituo cha Uwekezaji Tanzania, uwekezaji wa India nchini Tanzania unafikia dola bilioni 4.08.
Kuhusu Sekta ya Elimu India na Tanzania zimeendelea kujiimarisha kiushirikiano ambapo Kampasi ya kwanza ya IIT Madras ilizinduliwa Zanzibar tarehe 6 Novemba 2023 ambayo inatoa mafunzo ya Shahada ya Kwanza na Uzamili katika AI & Data Science na Shahada ya Uzamili katika Miundo ya Bahari.
Pia India imekuwa ikitoa ufadhili wa masomo ambapo Tanzania ni mnufaika mkuu wa kozi za mafunzo zinazotolewa chini ya ufadhili wa ITEC & ICCR wa India.
Amesema makubaliano kati ya (Kituo cha Kimataifa cha Ubia wa Nishati ya Nyuklia) GCNEP ya Serikali ya India na Tume ya Nishati ya Atomiki Tanzania (TAEC) kuhusu ushirikiano wa matumizi ya amani ya nishati ya nyuklia ni eneo lingine la mashirikiano baina ya nchi hizo mbili.
Ametumia fursa hiyo kuwahimiza watu kutoka jamii ya Wahindi, washikadau, washirika, na washiriki kuimarisha ushirikiano na kushirikiana na Tanzania kuhakikisha maendeleo hayaepukiki kwa huduma za utalii, kijamii, kiafya, Kiuchumi, miundombinu na nishati.
“Kimsingi Tanzania ndiyo kitovu bora cha utalii barani Afrika. Ina fukwe za mchanga mweupe, na wanyamapori. Mlima Kilimanjaro (Mlima wa 3 kwa urefu duniani na wa 1 barani Afrika), visiwa vya tropiki vya Pwani ya Afrika Mashariki na Bahari ya Hindi (Zanzibar), Hifadhi ya Taifa ya Serengeti, Bonde la Ngorongoro, pori la akiba la Selous, Ziwa Victoria, Ziwa Tanganyika, Ziwa Nyassa na maeneo mengine mengi maarufu ya kitalii.” amesema.