Picha za rapa maarufu wa Marekani, @Future, zimekuwa zikisambaa kwa kasi kwenye mitandao ya kijamii baada ya madai mapya kuibuka kwamba ana asilimia 25 ya asili yake kutoka Korea.
Taarifa hizi zimezua gumzo kubwa mtandaoni, huku mashabiki wakishangazwa na madai hayo na wengine wakianza kutoa maoni mbalimbali. Baadhi ya mashabiki wamepokea habari hizi kwa mshangao mkubwa, wakisema hawakuwahi kufikiria kuwa rapa huyo ana uhusiano wowote na Asia. Wengine, kwa upande wao, wamechukulia jambo hili kama utani wa mtandaoni na kuligeuza vichekesho vinavyotrend kwenye Twitter na Instagram.
Hata hivyo, hadi sasa Future mwenyewe hajathibitisha wala kukanusha madai haya. Ukimya wake umeongeza mjadala, kwani baadhi ya watu wanaamini huenda kuna ukweli, huku wengine wakisisitiza kuwa ni porojo tu zinazotumiwa kumzungumzia zaidi.
Future, ambaye ni mmoja wa marapa wenye ushawishi mkubwa katika muziki wa hip hop wa Marekani, mara kwa mara huwa gumzo kutokana na maisha yake ya kifahari, muziki wake wa hit baada ya hit, na sasa madai haya ya asili yake yameongeza sababu mpya ya jina lake kusambaa mitandaoni.