Leo Machi 19, 2925 Tanzania inakumbuka miaka minne tangu Dkt. Samia Suluhu Hassan alipokuwa Rais wa Jamhuri ya Muungano wa Tanzania, baada ya kifo cha Rais wa Awamu ya Tano, Dkt. John Magufuli, mnamo Machi 17, 2021.
Katika kipindi cha miaka minne ya uongozi wake, Rais Samia ameongoza kwa utulivu na busara, huku akisisitiza mshikamano wa kitaifa na maendeleo ya wananchi. Moja ya hatua muhimu za uongozi wake ni utekelezaji wa falsafa ya 4R (Reconciliation, Resilience, Reforms, na Rebuilding), ambayo imeleta mabadiliko makubwa katika nyanja za demokrasia, uchumi, na maendeleo ya kijamii.
Kupitia sera na mipango yake, Tanzania imeimarisha uchumi wake, kuvutia wawekezaji wa kimataifa, na kuimarisha ushirikiano wa kidiplomasia. Aidha, sekta za elimu, afya, na miundombinu zimeendelea kupata uwekezaji mkubwa, huku juhudi za kuboresha maisha ya wananchi zikiendelea.
Rais Samia amesisitiza dhamira yake ya kuendeleza Tanzania kwa amani na mshikamano, akiwataka Watanzania kushirikiana katika kujenga Taifa lenye maendeleo endelevu.
Katika kuadhimisha miaka minne ya uongozi wake, wadau mbalimbali wamepongeza juhudi za Rais Samia katika kuimarisha uchumi na mageuzi ya kisiasa nchini.